T E L E G R A M

E nderuara familje e Faton Hajdarit, familje të dëshmorëve,
familje të burgosurve, të nderuar pjesëmarrës,
Zonja dhe Zotëri

Me këtë rast të dorëzimit të shtëpisë familjes së  Faton Hajdarit,

ju dërgojmë përshëndetjet tona të përzemërta  nga Kryesia e Shoqatës Humanitare „Lugina e Preshevës“ me seli në Zvicër.
Në pamundësi të jemi fizikisht atje në mesin tuaj ne po ua dërgojmë këtë TELEGRAM URIMI. Këto fjalë të shkruara shumë ma me dëshirë do t`ua kishim thanë  vetë atje, por ja që kështu e paska gurbeti! Por, ashtu siç thotë një fjalë e urtë popullore, me  trup nuk jemi me ju prezent, por me zemër si gjithmonë  edhe sot jemi në mesin tuaj!
Na vjen shumë keq që po ashtu Fatoni dhe  shokët e tij të burgosur nga Presheva nuk kanë mundësi që sot të jenë prezent në mesin tuaj.
Me këtë rast me anë të këtij Telegrami u bëjmë apel të gjithë subjekteve kombëtare dhe atyre ndërkombëtare që të bëjnë çmos që këta djem shqiptar të  Preshevës  martire të lirohen nga burgu!
Nëse secili nga ne bënë diçka për djemtë tanë  të burgosur, për familjet e tyre, për gjithë ata  që kanë nevojë për ndihmë, ne nuk do të mund t`na nënshtrojë kurrfarë padrejtësie dhe shumë shpejt do të jemi një popull i lirë e i bashkuar.  
Me këtë rast falënderojmë gjithë donatorët e humanistët e shumtë, falënderojmë koordinuesit e punëve  të  cilët  bashkëvepruan në mënyrë që shtëpia e Fatonit të kryhet sipas planit e projektit të paraparë.
Zoti i shpërbleftë gjithë ata që dhanë ndihma dhe u angazhuan  për ndërtimin e shtëpisë së Faton Hajdarit.
Të dashur vëllezër e motra pjesëmarrës te këtij momenti shumë  human, ju njoftojmë se shoqata  Humanitare “Lugina e Preshevës”  nuk do të ndalet vetëm me këtë shtëpi! Shtëpia e re e Fatonit është e para shtëpi e cila po shënon një etapë të re në këtë anë. Faton Hajdarit dhe familjes së tij i urojmë  fat e trashëgimi në këtë shtëpi te re dhe  me këtë rast apelojmë që mos të ndalemi por do të vazhdojmë  në ndërtimin e  ardhmërisë tonë.
 
Ju njoftojmë se para dy javësh kemi  iniciuar projektin e dytë për ndërtimin e shtëpisë  së luftëtarit te UCK-ës e UÇPMB-ës zotëri Burim Fazliu nga fshati Miratoc.                                                          
Në fund ju përshëndesim edhe një herë të gjithëve nga zemra, kurse familjes së Fatonit dhe gjithë familjarëve të burgosurve u dëshirojmë  kthimin e menjëherë të djemve të tyre në familje. 

                          Zoti e bekoftë gjithë popullin shqiptar!

Zvicër, 15. tetor, 2009                        Kryesia e Shoqatës Humanitare
                                                                  “LUGINA E PRESHEVËS”

                                                                    Kryetari: Shaip Bajrami